افضل خطيب مساجد في القرية:(........). من هو؟ ولماذا؟ـ

كل واحد فينا له مسجد محدد بيصلي فيه الجمعة، وكل واحد فينا بيروح المسجد ده بالذات لأسباب مختلفة.
لكن انا هنا عايز اتكلم عن خطباء المساجد بالتحديد.

كل خطباء المساجد في القرية او معظمهم خطباء أكفاء وعلماء والحمد لله.
لكن كل واحد مننا بيرتاح لخطيب معين على وجه الخصوص وبيحب يحضر خطبته.
طبعا الراحة دي ليها اسباب مختلفة. يمكن علشان الخطيب فعلا خطبته كويسة وبنروح علشان نستفيد منه.
يمكن علشان الجامع قريب من بيتنا وخلاص ومش مهم الخطيب اللي فيه أصلا،
ويمكن علشان الخطيب بيخلص نفسه قوام قوام.
وأسباب كتيرة غيرها.
يا ريت كل واحد فينا يكتب اسم الخطيب اللي بيحب يسمعله.
وياريت كمان يجمد قلبه ويقول السبب اللي بيخليه يروح يصلي في المسجد دا بالخصوص.
انا عن نفسي طبعا باصلي في مسجد الفتح بس السبب الاكبر للصلاة هناك هو الاستاذ عبد الرحمن المزين، لانه راجل واسع الاطلاع ومثقف بجانب ان خطبته بتبقى خطبه شامله،بمعنى اصح هو خطيب مفوه وعالم وقادر على توصيل رسالته بشكل سهل. وحتى لو راح مسجد تاني في البلد هاروح وراه علشان استفيد منه. لانه فعلا بيعلمني كتير في الحياة.
وانت؟؟؟؟؟؟؟؟؟ بتروح مسجد ايه؟ وليه؟ وإيه رأيك في الخطيب اللي فيه؟
ارجو اضافة أسماء خطباء المساجد في قريتنا هنا، من خلال الردود.

بسم الله الرحمن الرحيم
طبعا فى البداية يا عمدة انت ذكرت ان كل خطباء القرية اكفاء وعلى علم
وانا عن نفسى فعلا ارتاح للشيخ عبد الرحمن المزين
لأنه على الرغم من كونه غير ازهرى إلا انه تفوق على الأزهريين وهذه حقيقة
فبعض الخطباء الأزهريين اتخذ من الخطابة مجرد وظيفة ياكل منها عيش والسلام
ولم يتخذها كرسالة وامانة فى عنقه سيسأل عنها امام الله يوم القيامة
وبالإضافة الى الشيخ عبد الرحمن المزين يوجد ايضا الأستاذ محمد خضر وكذلك الأستاذ محمد حسين قاسم

اقتباس :: طبعا فى البداية يا عمدة انت ذكرت ان كل خطباء القرية اكفاء وعلى علم

أناما قلتش كلهم وخلاص، انا قلت كلهم أو معظمهم. ودي تفرق كتير. لان فيه ناس لا تصـــــــــــــــــــــــلح أبدا.

اقتباس :: وبالإضافة الى الشيخ عبد الرحمن المزين يوجد ايضا الأستاذ محمد خضر وكذلك الأستاذ محمد حسين قاسم

فعلا الاستاذ محمد خضر في خطبته الاخيرة كان قوي جدا لدرجة اني ماعرفتهوش. لان قبل كدا انا ازعم ان خطبته دائما ما كانتش بتوصلني قوي.

الاستاذ محمد حسين خطبته دايما فيها تشويق ومعلومات لكن في الاول كان فيه حالات من عدم الثقة. انا ما سمعتهوش من فترة طويلة. لكن اعتقد انه خطيب ناجح.
كل دا رأي شخصي طبعا وانا ممكن اكون مخطيء.

طبعا طبعا
كلهم حلوين وجامدين وانا بالعموم بحبهم كلهم وبالخصوص الاستاذ عبد الرحمن والاستاذ محمد خضر
ولكن رغم أنني انحاز للبعض دون الاخر
الا انني اعرف اميز الجيد من الردئ
وانت على حق يا عمدة
فيه كتير بيروح مسجد علشان قوام قوام
وكان الجمعة دي ترفيه
او مجرد وقت عايوه يخلص علشان يلعب ولا يقعد قدام التلفزيون ولا
ياكل
ودا كله
عندنا للآسف
ودعني اسألك
من منا يشاهد خطبة الجمعة
للشيخ محمد حسان
اوغير
انا عن نفسي بعتبرها
احتراما لخطبائنا الاجلاء
خطبة الجمعة
اللي سمعتها
الى جانب خطبة جمعة بلدنا
وعلى فكرة
انا بشوف ناس معينين
بيسبوا البلد خالصو بيروحوا قطور من الساعة 11
وممكن طنطا
وكل واحد بينام على الجنب اللي يريحوا
ولن أنسى بالطبع بن عمى الشيخ امام
هو أيضا كفؤ ويذهب الى مسجده العديدين
من اصحابي ومعارفي
وربنا يخليهم لنا
صحيح
هناك رسالة اود منك حملها الى الشيخ محمد حسين
هو صحيح قبل ما يجي البلد
كنت بسمع انه ما شاء الله
ولما جه اتأكدت من ده كويس
لكن هناك رسالة اود أن يقرأها
اهتم يا شيخي وحبيبي في الله بدروسك في المسجد
والله اني اعلم آذانا تسمعك وتنتظر دروسك بفارغ الصبر فلا تحرمني وتحرمهم من هذا المنبع الذي يروون به ظمأهم
وياريت تواظب عليها طول ايام الاسبوع
ليه ميكنش عندنا
خطيب يواظب على الدروس في المسجد بع المغرب
مش عااااااارف
احنا نفسنا في ده والله
متزعلش مني دي حقيقة لابد منها
وانا في انتظارك في رمضان علشان تراويحه ام جزء في الليلة
ودي حاجة جديدة اود مدحك على اياها
كما حكاية الاذان الواحد واتباع السنة في مسجدك
دا شرف ليك والله ووسام على صدرك
بس فيه ملحوظة صغيرة قد كدا
اعلم انك تنتظر المساجد ليؤذنوا الاذان الثاني ثم تؤذن آذانك انت
لكني حضرت خطبة في جامع على السنة
كان بيأذن الاذان بتاعه مع الاذان الاول ثم يبدأ الخطبة
فأرجو أن تعيرني اهتمامك
وشكرا لكم جميعا على حسن استماعكم

يا عمده انا بحييك علي هذا الموضوع الجميل وبضيف لكلامك ان معظم المشايخ في القريه اكفاء وعلي علم وكل شخص له الحرية في ان يسمع مين والاراء هنا حره بس انا عن نفسي سمعت كتير لمعظمهم وبحب ناس كتيرمنهم الشيخ امام ابوشادي ابن عمي طبعا والشيخ عبد الرحمن المزين والشيخ محمد خضروالشيخ محمد حسين قاسم وكلهم فضلاءبس احب اضيف معلومه صغيره ياريت معظم الناس تسمع خطبة الشيخ محمد حسان علي قناة نسائم الرحمة حيث ثبت مرتين يوم الجمعه الساعه 8مساءا وتعاد السبت في الساعه التاسعه صباحا وهذا للاستفاده وتلقي العلم من مشايخنا

كلهم كويسين . لان مفيش حد بيقول كلام من نفسه لكن بيقولو قران واحاديث نبوية شريفة.
مش مهم تسمع مين المهم تطبق اللي تسمعه

بما اننا مش بنروح المسجد بس بنسمع بس

احنا عندنا كله بيشكر فى الاستاذ عبدالرحمن

ومحمدخضر ومحمد حسين

وطبعا كلهم من خيرة الناس فى البلد وكلهم اكفاء دون استثناء لاحد منهم

» عائلات القرية
» أخلاق أهل القرية
» حقائق عن بعض عائلات القرية
» رجاء وامل من جميع اهالى القرية
» اين رجال الحزب الوطنى من تعلية رصيف القرية