ستي اطاطا

موضوع: ستي اطاطا 23/7/2010, 13:38

ستي اطاطا دي حكايه كبيره اوي المهم في يوم كنت بزورها واقعد افطر معاها ستي دي تعقد معاها تسمعك احلي كلام في اي حاجه في الدنيا احسن ستي مثقفه بتفلي الجرايد المهم اتكلمنا في موضوع المفاعل النووي المصري راحت مولعه سيجاره مما يوحي باهمية الموضوع وولعت سبارتاية القهوة وقالت لي اعملي قهوه مظبوطه
قشطه
طب كل كنافه بالقشطه وانت خاسس كده
يا ستي انا عندي السكر ما ينفعش
ياابني كل ولا يهمك ماهو جدك احمد كمان عنده سكر وجدي مات من الاكل ده
المهم لقيتها بتقولي البلاد الفقيره دي فقيره ليه؟
والله يا ستي ما اعرفش الموارد الطبيعيه وكده
لأطبعا يا عبيط اسمي دلعي المفضل عند ستي اطاطا لان الناس اللي فيها زيك كده الناس ما عندهاش نظام وبالتالي البلاد الكبيره بتضحك عليها
طيب ياستي ما احنا هنكبر وهيبقي عندن مفاعل ويمكن نعمل قنبله ذريه ونبقي زينا زيهم
بص يا عبيط اللي عايز يبني حاجه زي دي مش بيقول قبل الهنا بسنه وبعدين ينضرب قبل ما يشتغل زي العراق وبعدين منين هيجيبوا فلوس للبلوي دي ان شاء الله دي الحكومه بتشحت علي الناس وبتغلي كل حاجه وبدل ما يبقي قطرين دخلوا في بعض يبقي اباده جزء من الشعب وبكدهخ يبقي جهاز تنظيم الاسره اولي بتمويل المشروع
المهم يا ابني موضوع النووي ده من زمان وجم وقالوا موضوع منخفض القطاره ومشروع الظافر والقاهر والحاجات دي عايزه وقت ودراسه ومجهود وسريه مش كلام جرايدوتليفزيون وبس وبعدين فين مشروع توشكي ليه ما بقاش فيه اخبار عنه راح فين يا ابني ما تبقاش طيب اوي كده
وعلي فكره الخيار اللي انته جايبه معاك مش حلو زي الخيار النووي لا شكل ولا طعم روح يا واد يا طوني لامكم جتكم البلاوي
والله كلامها معقول برضه الخيار النهارده وحش فعلا