كلنا خالد سعيد

علي كل الوجوه ,,, البسمه مطفيه
كل الدروب بتتوه ,,, والضحكه منسيه
والقلب مفطور م البكا ,, لما اشتكا
ومافيش في ايدي غير ,, اكتبله مرثيه

الإسم خالد ,,, والذكري متخلده
والقلب ساكت ,,, والدمعه متجمده
هما بصحيح قتلوه ؟
طاب صوت صراخه ,, سمعوه ؟
هانت عليهم دمعته
وصوت آهاته ,,, وصرخته
شافوا كل نقطة دم خارجه ,, م الجسم تحلف
ياناس,,,,ده انا بشر
ياناس ,,,انا مش يهودي دنس,, قدسكم
انا مش سحابة صيف ,,,تغيم شمسكم
انا مش شيطان,,, وجبت عليه اللعنه,, من صنفكم
انا مش جاسوس,,, حالف يحارب اهلكم
انا مش غريب,,, قافشينه يزني في عهركم
انا مش حجر والله
ده انا بشر
انا بشر
والله بشر
أنا زي إبنك ,,, يالي مديت إيدك ضربت
زي اخوك ,,,يالي من كتر الفساد مارحمت
فعلاً عليكم هنت ؟
هانت عليهم دمعته
وصوت آهاته وصرخته
طاب حد فيكم فكر انه عنده أم ؟
تعبت عليه ربته يتيم بحضن يضم ؟
عديتوا يوم علي أوضته وهو مش موجود ؟
حسيتوا بيته ازاي من غيره بيت مهدود ؟
سمعتوا امه بتبكي صوت البكا بعويل
ماخفتوا يوم امه وهي ساجده تقول
الله حسبي ونعم وكيل
الله حسبي ونعم وكيل
الله حسبي ونعم وكيل

يسلمو يا لولو