اين رجال الحزب الوطنى من تعلية رصيف القرية

السلام عليكم و رحمة الله

ايه دخل الحزب الوطني بتعلية رصيف القرية ؟

اللي أعرف انه مسئول عن كدا و زارة الإسكان و التجمعات العمرانية و الاجهزة التابعة لها

اما الحزب فهو حركة من الحركات السياسية في البلد ليس له علاقة بتنمية القرية أو صرف الأموال في عملية التنمية

و بما إن أهل القرية عملو لجنة كسلو بعدها ؟!!



مصر فيها 4040 قرية

4 ألاف و 40 قرية

لو حسبت بس تغطية المصارف و الترع داخل القرى

هتعرف إننا لازم نعمل حجات كتير بالجهود الذاتية و على فكرة الجهود الذاتية مش تبرع منك انت مهما كان بتعمل دا في بيتك و مستقبل أولادك لأن أكيد منفعة القرية منفعة لأي شخص يعيش بالقرية و مساهمة المجتمع في تنمية التجمعات العمرانية " القرى " قبل مساهمة النظام الاداري او الحكومة

الحكومة بتعمل تنمية الريف بشكل غير ملحوظ للناس على شكل مشاريع قومية " أساسية " بحيث تتوفر لكل القرى احتياجتها اليومية

زي الخدمات التعليمية
الخدمات الصحية
خدمات البنية الأساسية
الخدمات الدينية
الخدمات الاجتماعية
الخدمات الاقتصادية

وصدقني دا مكلف جدا مع عدد القرى و تعداد السكان

و فيه مشاكل في القرية عندنا خطيرة جدا رغم إن قريتنا

الأساس أو القرية الأساسية " النواة " منظمة جدا

و مش قرية قديمة بالعكس حديثة مقارنة باعمار القرى في مصر

أهم مشكلة فيهم إننا بنستنى حد يعملنا حاجة مش بنعمل حاجتنا بنفسنا و بنلوم الأشخاص و نترك المنفعة العامة

ودا بيزود الفترة اللي القرية بتحل فيها المشكلة و بالتأكيد زيادة مشاكلها بمرور الوقت

و بما انهم مصدقوش قبل كدا و لا مرة عايز لما تصدقهم مرة ترفع لهم القبعة و لو صدقتهم هتستنى كام مرة علشان تصدقهم تاني

---